Transcription
1
Monsieur, je n’ay volu laisser perdre ceste comoditté pour vous donner advis
2
du sucès de se pays. C’est que dimanche dernier arrivarent environ
3
soixante chevaux à Monbrun, là où il y avoyt de jans de callitté
4
et d’arquebuziers aussi, mais ilz ne peurent estre nombrer à cause
5
qu’ilz vindrent debvant jour ; soudain deux hommes l’un après
6
l’autre en murmurant me vindrent advertir que, debvant qu’il fust douze jours,
7
qu’ilz ariont prins des forteresses en se pays de Dauphiné,
8
et disant que si bon Dieu leur avoyt ousté l’admiral, qu’il
9
leur en avoyt sucitté ung aultre de plus grand callitté,
10
qu’ilz seriont tous bien hereux ; et voyant cella, j’en advertis
11
incontinant monsieur le vibalhi à cause de Gap, messieurs
12
de Serre, d’Orpiarre et de Saint-André, car ainsi que entandons
13
ilz desireriont fort d'avoyr ledit Saint-André, et se nous
14
seroyt une bride à tout le pays, et que ledit Saint-André
15
et Serre meriteriont bien d’avoyr quelcun que y commandat
16
avesques des soldartz. Il ne vous fault ja dire quelle garde
17
font les paisans vennant du traval, vous advertisant que
18
Saint-André est plus fort que l’on ne pance et ne n’y a point
19
de chasteau. Monsieur de Saint-André vous dira les particuliarités.
20
Et despuis ledit advertissement, nous avons heu quelque
21
chatoulhement de messieurs les nouveaux religieux : toutes
22
foys, yer, despuis que le sieur de Saint-André fust arrivé
23
yci, je heux novelles que ceux-là de Veyne desliberiont
24
de s’an aler en nombre de trante ou quarante ; toutesfoys je
25
ne n’ay point heu à nuict d’aultre advertissement. S’il survient
26
quelque chouse de noveau, je ne falheray vous randre le debvoyr
27
que vous suis tenu pour vous tenyr adverti, saluant
28
vous bonnes graces de mes tres humbles recommandations,
29
priant Notre Seigneur vous donner,
30
Monsieur, en parfaicte santé tres longue heureuse vie. De votre maison
31
de Saix, ce Ve hoctobre 1572,
32
Votre plus humble à vous fère service
33
Laborel